شعر دولت ہے کہاں کی دولت

شعر دولت ہے کہاں کی دولت

میں غنی ہوں تو زباں کی دولت

سیکڑوں ہو گئے صاحب دیواں

میری تقریری و بیاں کی دولت

سیر مہتاب کر آئے ہم بھی

بارے اس آب رواں کی دولت

زخم کیا کیا مرے تن پر آئے

تیری شمشیر و سناں کی دولت

ہوئی محبوس قفس بلبل نے

رنج دیکھا یہ خزاں کی دولت

کوئی نواب کے گھر کا ہے غلام

کوئی پلتائے ہے خاں کی دولت

مصحفیؔ پر ہے ترا کر و فر

صاحب عالمیاں کی دولت

sher daulat hai kahan ki daulat

main ghani hun to zaban ki daulat

saikron ho gae sahab diwan

meri taqriri-o-bayan ki daulat

sair-e-mahtab kar ae ham bhi

bare is ab-e-rawan ki daulat

zakhm kya kya mire tan par ae

teri shamshir-o-sinan ki daulat

hui mahbus qafas bulbul ne

ranj dekha ye khizan ki daulat

koi nawwab ke ghar ka hai ghulam

koi paltae hai khan ki daulat

mushafi par hai tira kar-o-far

sahab alamiyan ki daulat