شش جہت سے اس میں ظالم بوئے خوں کی راہ ہے

شش جہت سے اس میں ظالم بوئے خوں کی راہ ہے

تیرا کوچہ ہم سے تو کہہ کس کی بسمل گاہ ہے

ایک نبھنے کا نہیں مژگاں تلک بوجھل ہیں سب

کارواں لخت دل ہر اشک کے ہم راہ ہے

ہم جوانوں کو نہ چھوڑا اس سے سب پکڑے گئے

یہ دو سالہ دختر رز کس قدر شتاہ ہے

پا برہنہ خاک سر میں مو پریشاں سینہ چاک

حال میرا دیکھنے آ تیرے ہی دل خواہ ہے

اس جنوں پر میرؔ کوئی بھی پھرے ہے شہر میں

جادۂ صحرا سے کر سازش جو تجھ سے راہ ہے

shash jihat se is mein zalim bu-e-khun ki rah hai

tera kucha ham se to kah kis ki bismil gah hai

ek nibhne ka nahin mizhgan talak bojhal hain sab

karwan lakht-e-dil har ashk ke ham rah hai

ham jawanon ko na chhora us se sab pakre gae

ye do sala dukhtar-e-raz kis qadar shattah hai

pa barahna khak sar mein mu pareshan sina chak

hal mera dekhne a tere hi dil khwah hai

is junun par mir koi bhi phire hai shahr mein

jada-e-sahra se kar sazish jo tujh se rah hai