شب ہجراں کی وحشت کو تو اے بیداد کیا جانے

شب ہجراں کی وحشت کو تو اے بیداد کیا جانے

جو دن پڑتے ہیں راتوں کو مجھے تیری بلا جانے

جدا ہم سے ہوا تھا ایک دن جو اپنے یاروں میں

خبر پھر کچھ نہ پائی کیا ہوا واقع خدا جانے

نہ رکھ اے ابر تو سر پر ہمارے بار منت کا

وہ بادل اور ہیں جو آگ کو دل کی بجھا جانے

نہ رکھ اے دل تو امید وفا ان بے وفاؤں سے

خدا سے ہے وہ بیگانہ جو بت کو آشنا جانے

جنوں نے اس کے گل سے بلبلوں تک شور ڈالا ہے

یقیںؔ سا ہو کوئی تب اس طرح دھومیں مچا جانے

shab-e-hijran ki wahshat ko to ai bedad kya jane

jo din parte hain raton ko mujhe teri bala jane

juda ham se hua tha ek din jo apne yaron mein

khabar phir kuchh na pai kya hua waqe khuda jane

na rakh ai abr to sar par hamare bar-e-minnat ka

wo badal aur hain jo ag ko dil ki bujha jane

na rakh ai dil to ummid-e-wafa un be wafaon se

khuda se hai wo begana jo but ko ashna jane

junun ne us ke gul se bulbulon tak shor dala hai

yaqin sa ho koi tab is tarah dhumen macha jane