شرک کا پردہ اٹھایا یار نے

شرک کا پردہ اٹھایا یار نے

ہم کو جب اپنا بنایا یار نے

روز روشن کی طرح دیکھا اسے

گرچہ منہ اپنا چھپایا یار نے

ظاہراً موجود ہے ہر شان سے

ہر طرح رخ کو دکھایا یار نے

خویش و بیگانہ فقط کہنے کو ہے

اپنا دیوانہ بنایا یار نے

بندہ بن جانا فقط چھپنے کو ہے

گھر کو ویرانہ بنایا یار نے

پھیر گردوں سے ہے صورت ہر طرح

جسم کا شانہ بنایا یار نے

تو وہ مرکزؔ ہے خدائی کا ظہور

خط فاصل کو بنایا یار نے

shirk ka parda uthaya yar ne

ham ko jab apna banaya yar ne

roz-e-raushan ki tarah dekha use

garche munh apna chhupaya yar ne

zahiran maujud hai har shan se

har tarah rukh ko dikhaya yar ne

khwesh-o-begana faqat kahne ko hai

apna diwana banaya yar ne

banda ban jana faqat chhupne ko hai

ghar ko wirana banaya yar ne

pher gardun se hai surat har tarah

jism ka shana banaya yar ne

to wo markaz hai khudai ka zuhur

khat-e-fasil ko banaya yar ne