شباب آیا کسی بت پر فدا ہونے کا وقت آیا

شباب آیا کسی بت پر فدا ہونے کا وقت آیا

مری دنیا میں بندے کے خدا ہونے کا وقت آیا

انہیں دیکھا تو زاہد نے کہا ایمان کی یہ ہے

کہ اب انسان کو سجدہ روا ہونے کا وقت آیا

خدا جانے یہ ہے اوج یقیں یا پستئ ہمت

خدا سے کہہ رہا ہوں نا خدا ہونے کا وقت آیا

ہمیں بھی آ پڑا ہے دوستوں سے کام کچھ یعنی

ہمارے دوستوں کے بے وفا ہونے کا وقت آیا

نوید سربلندی دی منجم نے تو میں سمجھا

سگان دہر کے آگے خدا ہونے کا وقت آیا

shabab aya kisi but par fida hone ka waqt aya

miri duniya mein bande ke khuda hone ka waqt aya

unhen dekha to zahid ne kaha iman ki ye hai

ke ab insan ko sajda rawa hone ka waqt aya

khuda jane ye hai auj-e-yaqin ya pasti-e-himmat

khuda se kah raha hun na khuda hone ka waqt aya

hamen bhi a para hai doston se kam kuchh yaani

hamare doston ke be wafa hone ka waqt aya

nawed-e-sarbulandi di munajjam ne to main samjha

sagin-e-dahr ke age khuda hone ka waqt aya