شرما گئے لجا گئے دامن چھڑا گئے

شرما گئے لجا گئے دامن چھڑا گئے

اے عشق مرحبا وہ یہاں تک تو آ گئے

دل پر ہزار طرح کے اوہام چھا گئے

یہ تم نے کیا کیا مری دنیا میں آ گئے

سب کچھ لٹا کے راہ محبت میں اہل دل

خوش ہیں کہ جیسے دولت کونین پا گئے

صحن چمن کو اپنی بہاروں پہ ناز تھا

وہ آ گئے تو ساری بہاروں پہ چھا گئے

عقل و جنوں میں سب کی تھیں راہیں جدا جدا

ہر پھر کے لیکن ایک ہی منزل پہ آ گئے

اب کیا کروں میں فطرت ناکام عشق کو

جتنے تھے حادثات مجھے راس آ گئے

sharma gae laja gae daman chhura gae

ai ishq marhaba wo yahan tak to a gae

dil par hazar tarah ke auham chha gae

ye tum ne kya kiya miri duniya mein a gae

sab kuchh luta ke rah-e-mohabbat mein ahl-e-dil

khush hain ke jaise daulat-e-kaunain pa gae

sehn-e-chaman ko apni baharon pe naz tha

wo a gae to sari baharon pe chha gae

aql-o-junun mein sab ki thin rahen juda juda

har phir ke lekin ek hi manzil pe a gae

ab kya karun main fitrat-e-nakam-e-ishq ko

jitne the hadsat mujhe ras a gae