شتاب کھو گئی پیری جوانی دو دن کی

شتاب کھو گئی پیری جوانی دو دن کی

چھپی سحر میں شب کامرانی دو دن کی

کسی کی ہات میں دل دے کے پاؤں لگ (سو) رہئے

خوشی سے کیوں نہ کٹے زندگانی دو دن کی

یہ دل کو لگتے ہی توڑا جو ان نے سو گئے بخت

میرے نصیبوں کی رہ گئی کہانی دو دن کی

اسے میں طوف کے حلقہ میں گھیرے رکھا تھا

عجب تھی اس پہ مری پاسبانی دو دن کی

یہ داغ دل لئے جاؤں گا گور میں عزلتؔ

محبت اس کی تھی سو بھی زبانی دو دن کی

shitab kho gai piri jawani do din ki

chhupi sahar mein shab kamrani do din ki

kisi ki hat mein dil de ke paon lag (so) rahiye

khushi se kyun na kate zindagani do din ki

ye dil ko lagte hi tora jo un ne so gae bakht

mere nasibon ki rah gai kahani do din ki

use main tauf ke halqa mein ghere rakha tha

ajab thi us pe miri pasbani do din ki

ye dagh-e-dil liye jaunga gor mein uzlat

mohabbat us ki thi so bhi zabani do din ki