آیا ہے صبح نیند سوں اٹھ رسمسا ہوا

آیا ہے صبح نیند سوں اٹھ رسمسا ہوا

جامہ گلے میں رات کے پھولوں بسا ہوا

کم مت گنو یہ بخت سیاہوں کا رنگ زرد

سونا وہی جو ہووے کسوٹی کسا ہوا

انداز سیں زیادہ نپٹ ناز خوش نہیں

جو خال حد سے زیادہ بڑھا سو مسا ہوا

قامت کا سب جگت منیں بالا ہوا ہے نام

قد اس قدر بلند تمہارا رسا ہوا

زاہد کے قد خم کوں مصور نے جب لکھا

تب کلک ہاتھ بیچ جو تھا سو عصا ہوا

دل یوں ڈرے ہے زلف کا مارا وہ پھونک سیں

رسی سیں اژدہے کا ڈرے جوں ڈسا ہوا

اے آبروؔ اول سیں سمجھ پیچ عشق کا

پھر زلف سیں نکل نہ سکے دل پھنسا ہوا

aya hai subh nind sun uth rasmasa hua

jama gale mein rat ke phulun basa hua

kam mat gino ye bakht siyahon ka rang-e-zard

sona wahi jo howe kasauti kasa hua

andaz sin ziyada nipat naz khush nahin

jo khal had se ziyada barha so masa hua

qamat ka sab jagat manen bala hua hai nam

qad is qadar buland tumhara rasa hua

zahid ke qad-e-kham kun musawwir ne jab likha

tab kilk hath bich jo tha so asa hua

dil yun dare hai zulf ka mara wo phunk sin

rassi sin azhdahe ka dare jun dasa hua

ai abru awwal sin samajh pech ishq ka

phir zulf sin nikal na sake dil phansa hua