سچ ہے کہ آہ سرد مری بے اثر نہیں

سچ ہے کہ آہ سرد مری بے اثر نہیں

پتھر کو جھاڑیے تو نکلتا شرر نہیں

اوروں کو ہو تو ہو ہمیں مرنے سے ڈر نہیں

خط لے کے ہم ہی جاتے ہیں گر نامہ بر نہیں

ہر چند مجھ میں کوئی کمال و ہنر نہیں

ہر چرخ کینہ دوز سے میں بے خطر نہیں

اٹھتا قدم جو آگے کو اب راہبر نہیں

پیچھے تو چھوڑ آئے کہیں اس کا گھر نہیں

دل لے کے دے وہ بوسہ یہ ہے مقتضائے سن

قیمت ہے اس کی کیا اسے اب تک خبر نہیں

بے اختیار روتے ہیں پڑھ پڑھ کے مرثیے

الفت میں تیری گر یہ مرا پردہ در نہیں

عرش بریں پہ جا کے رکیں شوق کے قدم

عارفؔ یہ آشیانۂ خیر البشر نہیں

sach hai ke ah-e-sard miri be asar nahin

patthar ko jhariye to nikalta sharar nahin

auron ko ho to ho hamen marne se dar nahin

khat le ke ham hi jate hain gar nama bar nahin

har chand mujh mein koi kamal-o-hunar nahin

har charkh-e-kina doz se main be khatar nahin

uthta qadam jo age ko ab rahbar nahin

pichhe to chhor ae kahin us ka ghar nahin

dil le ke de wo bosa ye hai muqtaza-e-sun

qimat hai us ki kya use ab tak khabar nahin

be ikhtiyar rote hain parh parh ke marsiye

ulfat mein teri gar ye mira parda dar nahin

arsh-e-barin pe ja ke ruken shauq ke qadam

arif ye ashiyana-e-khair albashar nahin