سونے دیتا نہیں شب بھر دل بیمار مجھے

سونے دیتا نہیں شب بھر دل بیمار مجھے

درد نے اٹھ کے پکارا ہے کئی بار مجھے

چل کے ظالم نہ دکھا شوخئ رفتار مجھے

نظر آتے ہیں قیامت کے سب آثار مجھے

قبر پر جب مری آتے ہیں تو رو دیتے ہیں

بعد مرنے کے وہ سمجھے ہیں وفادار مجھے

آپ سے آئے تھے محفل میں تری او ظالم

ہائے اب آپ میں آنا ہوا دشوار مجھے

وہ اندھیرا ہے شب ہجر کہ دم گھٹتا ہے

زلف بن بن کے ستاتی ہے شب تار مجھے

میں رہوں یا نہ رہوں اتنی اجازت دے دو

کہ پڑا رہنے دیں درباں پس دیوار مجھے

جب کمر جھک گئی پھر زیست کی امید کہاں

کیا سنبھالے گی یہ گرتی ہوئی دیوار مجھے

sone deta nahin shab bhar dil-e-bimar mujhe

dard ne uth ke pukara hai kai bar mujhe

chal ke zalim na dikha shokhi-e-raftar mujhe

nazar ate hain qayamat ke sab asar mujhe

qabr par jab miri ate hain to ro dete hain

baad marne ke wo samjhe hain wafadar mujhe

ap se ae the mahfil mein tiri o zalim

hae ab ap mein ana hua dushwar mujhe

wo andhera hai shab-e-hijr ke dam ghatta hai

zulf ban ban ke satati hai shab-e-tar mujhe

main rahun ya na rahun itni ijazat de do

ke para rahne den darban pas-e-diwar mujhe

jab kamar jhuk gai phir zist ki ummid kahan

kya sambhalegi ye girti hui diwar mujhe