سوچ میں تیرے سنا رات جو کھٹکا پٹکا

سوچ میں تیرے سنا رات جو کھٹکا پٹکا

سر کو تکیے سے اٹھا پٹی پہ دے دے پٹکا

تو نے گر کنگھی جو کاکل کو پکڑ کر جھٹکا

دل پڑا پھرتا ہے سر مارتا بھولا بھٹکا

لخت دل آ سر مژگاں پہ لٹکتے ہیں پڑے

تیری الفت نے بھلا سانگ دکھایا نٹ کا

جب نہ تب بوسے پہ ہٹتے ہو کہ دوں گا نہ کبھی

مان کر یہ نہ مری جان پھر ایسی ہٹ کا

کیوں تری چال لٹک دیکھ کے دل لٹکے ہیں

کچھ تو ہم کو بھی بتا کس سے یہ سیکھا لٹکا

نٹ کھٹی دیکھ تری میں تو اچنبھے میں رہا

دل جھپٹ ہاتھ سے جھٹ راگ سنایا کھٹکا

گھر بسے بول بھی کچھ کیا ہے خرابی ٹھانی

کب تلک ہم سے پھرے گا یوں ہی پھٹکا پھٹکا

دل گم گشتہ کی ہر اک سے میں کرتا ہوں تلاش

چور جو تھا وہی آنکھوں کو چرا کر سٹکا

soch mein tere suna rat jo khatka patka

sar ko takiye se utha piti pe de de patka

tu ne gar kanghi jo kakul ko pakar kar jhatka

dil para phirta hai sar marta bhula bhatka

lakht-e-dil a sar-e-mizhgan pe latakte hain pare

teri ulfat ne bhula sang dikhaya nat ka

jab na tab bose pe hatte ho ke dunga na kabhi

man kar ye na miri jan phir aisi hat ka

kyun tiri chal latak dekh ke dil latke hain

kuchh to ham ko bhi bata kis se ye sikha latka

nat khati dekh tiri mein to achambhe mein raha

dil jhapat hath se jhat rag sunaya khatka

ghar base bol bhi kuchh kya hai kharabi thani

kab talak ham se phirega yun hi phatka phatika

dil-e-gum gashta ki har ik se main karta hun talash

chur jo tha wahi ankhon ko chura kar satka