سکوں پذیر جنون شباب ہو نہ سکا

سکوں پذیر جنون شباب ہو نہ سکا

شگفت موسم گل کامیاب ہو نہ سکا

اڑائے برق و گل و لالہ نے بہت خاکے

مگر کوئی مرے دل کا جواب ہو نہ سکا

وہاں ہم آرزوئے خواب عیش کیا کرتے

جہاں قیام بمقدار خواب ہو نہ سکا

بدل گئیں وہ نگاہیں یہ حادثہ تھا اخیر

پھر اس کے بعد کوئی انقلاب ہو نہ سکا

وہاں پیام کی گنجائشیں کہاں سیمابؔ

جہاں سلام مرا مستجاب ہو نہ سکا

sukun pazir junun-e-shabab ho na saka

shagfat mausam-e-gul kamyab ho na saka

urae barq-o-gul-o-lala ne bahut khake

magar koi mire dil ka jawab ho na saka

wahan ham arzu-e-khwab-e-aish kya karte

jahan qayam bamqadar khwab ho na saka

badal gain wo nigahen ye hadisa tha akhir

phir is ke baad koi inqilab ho na saka

wahan payam ki gunjaishen kahan simab

jahan salam mira mustajab ho na saka