سیاہ لہو

ایک دل اور اتنے بار گراں

اونگھتے پیڑ سرنگوں گلیاں

مضمحل نور مضمحل خوشیاں

ان گنت خواب ان گنت ارماں

بے مہک پھول ادھ کھلی کلیاں

بادشاہوں کا قصۂ من و تو

تیرہ سکوں کا تیرہ تر جادو

سرخ تاریکیاں سیاہ لہو

منتشر رات منتشر گیسو

بے اثر آہ بے اثر آنسو

ذہن کی قبر دل کا ویرانہ

فکر روزی تلاش مے خانہ

کوئی با عقل کوئی دیوانہ

میری تحقیق اس کا افسانہ

زرد بتی اداس پروانہ

الغرض اک نہ اک غم گل و خار

فلسفے کا خمار عشق کا بار

دل کو اک صبح و شام کا آزار

حسرت صلح و حسرت پیکار

صید ابلیس و کشتۂ یزداں

ek dil aur itne bar-e-giran

unghte per sarnigun galiyan

muzmahil nur-e-muzmahil khushiyan

an ginat khwab an ginat arman

be mahak phul adh khuli kaliyan

badshahon ka qissa-e-man-o-to

tira sukun ka tira tar jadu

surkh tarikiyan siyah lahu

muntashir rat muntashir gesu

be asar ah be asar ansu

zehn ki qabr dil ka wirana

fikr rozi talash-e-mai khana

koi ba aql koi diwana

meri tahqiq us ka afsana

zard batti udas parwana

algharaz ik na ik gham-e-gul-o-khar

falsafe ka khumar-e-ishq ka bar

dil ko ik subh-o-sham ka azar

hasrat-e-sulh-o-hasrat-e-paikar

said-e-iblis-o-kushta-e-yazdan