سیاسی بینگن

مسلم سے تنفر اور کفار سے یارانہ

آخر یہ قلا بازی کیوں کھا گئے مولانا

لکشمی کی محبت نے دل موہ لیا اتنا

منہ موڑ کے کعبے سے پہنچے سوئے بت خانہ

اسلام تعجب سے انگشت بدنداں ہے

مرگھٹ میں جلے شمع توحید کا پروانہ

تھالی میں سیاست کی بینگن کی طرح لنڈھکے

اور اس کو سمجھتے ہیں اک چال حریفانہ

پبلک کے پھنسانے کو سب جال کے پھندے تھے

یہ دیش یہ عمامہ اور سبحۂ صد دانہ

muslim se tanaffur aur kuffar se yarana

akhir ye qala bazi kyun kha gae maulana

lakshmi ki mohabbat ne dil moh liya itna

munh mor ke kaabe se pahunche su-e-but khana

islam taajjub se angusht badnidan hai

marghut mein jale sham-e-tauhid ka parwana

thali mein siyasat ki baingan ki tarah landhake

aur us ko samajhte hain ik chal harifana

pablik ke phansane ko sab jal ke phande the

ye desh ye ammama aur subha-e-sad dana