سینۂ پر سوز یکسو چشم گریاں یک طرف

سینۂ پر سوز یکسو چشم گریاں یک طرف

دل بچے کیا یک طرف آتش ہے طوفاں یک طرف

دام سبزے کے سے بچنا طائر دل ہے محال

سبزۂ خط یک طرف زلف پریشاں یک طرف

مستعد ہیں اس بت طناز پر بہر نثار

یک طرف صبر و دل و دیں جان و ایماں یک طرف

کس پہ شب خوں مارنے کوں کی صف آرا فوج ناز

یک طرف سیاہی مسی کی سرخی پاں یک طرف

پھر بہار آئی جو باہم مستعد جنگ ہیں

یک طرف دست جنوں جیب و گریباں یک طرف

ٹک سما کر اے جہاں دارؔ آج اس کوچے میں جا

تیغ بر کف ہے وہ یکسو اور رقیباں یک طرف

sina-e-pur soz yakso chashm-e-giryan yak taraf

dil bachche kya yak taraf atish hai tufan yak taraf

dam sabze ke se bachna tair-e-dil hai muhal

sabza-e-khat yak taraf zulf-e-pareshan yak taraf

mustaid hain us but-e-tannaz par bahr-e-nisar

yak taraf sabr-o-dil-o-din jan-o-iman yak taraf

kis pe shab khun marne kun ki saf ara fauj-e-naz

yak taraf siyahi missi ki surkhi pan yak taraf

phir bahar ai jo baham mustaid-e-jang hain

yak taraf dast-e-junun jeb-o-gareban yak taraf

tuk sama kar ai jahan dar aj us kuche mein ja

tegh bar kaf hai wo yakso aur raqiban yak taraf