سہیں کب تک جفائیں بے وفائی دیکھنے والے

سہیں کب تک جفائیں بے وفائی دیکھنے والے

کہاں تک جان پر کھیلیں جدائی دیکھنے والے

ترے بیمار غم کی اب تو نبضیں بھی نہیں ملتیں

کف افسوس ملتے ہیں کلائی دیکھنے والے

خدا سے کیوں نہ مانگیں کیوں کریں منت امیروں کی

یہ کیا دیں گے کسی کو آنہ پائی دیکھنے والے

بتوں کی چاہ بنتی ہے سبب عشق الٰہی کا

خدا کو دیکھ لیتے ہیں خدائی دیکھنے والے

مہینوں بھائی بندوں نے مرا ماتم کیا مضطرؔ

مہینوں روئے خالی چارپائی دیکھنے والے

sahen kab tak jafaen be wafai dekhne wale

kahan tak jan par khelen judai dekhne wale

tire bimar gham ki ab to nabzen bhi nahin miltin

kaf-e-afsos milte hain kalai dekhne wale

khuda se kyun na mangen kyun karen minnat amiron ki

ye kya denge kisi ko ana pai dekhne wale

buton ki chah banti hai sabab ishq-e-ilahi ka

khuda ko dekh lete hain khudai dekhne wale

mahinon bhai bandon ne mira matam kiya muztar

mahinon ru-e-khali charpai dekhne wale