سینے میں ان کے جلوے چھپائے ہوئے تو ہیں

سینے میں ان کے جلوے چھپائے ہوئے تو ہیں

ہم اپنے دل کو طور بنائے ہوئے تو ہیں

تاثیر جذب شوق دکھائے ہوئے تو ہیں

ہم تیرا ہر حجاب اٹھائے ہوئے تو ہیں

ہاں کیا ہوا وہ حوصلۂ دید اہل دل

دیکھو نا وہ نقاب اٹھائے ہوئے تو ہیں

تیرے گناہ گار گناہ گار ہی سہی

تیرے کرم کی آس لگائے ہوئے تو ہیں

اللہ ری کامیابی آوارگان عشق

خود گم ہوئے تو کیا اسے پائے ہوئے تو ہیں

یوں تجھ کو اختیار ہے تاثیر دے نہ دے

دست دعا ہم آج اٹھائے ہوئے تو ہیں

ذکر ان کا گر زباں پہ نہیں ہے تو کیا ہوا

اب تک نفس نفس میں سمائے ہوئے تو ہیں

مٹتے ہوؤں کو دیکھ کے کیوں رو نہ دیں مجازؔ

آخر کسی کے ہم بھی مٹائے ہوئے تو ہیں

sine mein un ke jalwe chhupae hue to hain

ham apne dil ko tur banae hue to hain

tasir jazb-e-shauq dikhae hue to hain

ham tera har hijab uthae hue to hain

han kya hua wo hausla-e-did ahl-e-dil

dekho na wo naqab uthae hue to hain

tere gunah gar gunah gar hi sahi

tere karam ki as lagae hue to hain

allah ri kamyabi awargan-e-ishq

khud gum hue to kya use pae hue to hain

yun tujh ko ikhtiyar hai tasir de na de

dast-e-dua ham aj uthae hue to hain

zikr un ka gar zaban pe nahin hai to kya hua

ab tak nafas nafas mein samae hue to hain

mitte huon ko dekh ke kyun ro na den majaz

akhir kisi ke ham bhi mitae hue to hain