سہے غم پئے رفتگاں کیسے کیسے

سہے غم پئے رفتگاں کیسے کیسے

مرے کھو گئے کارواں کیسے کیسے

وہ چتون وہ ابرو وہ قد یاد سب ہے

سناؤں میں گزرے بیاں کیسے کیسے

مرے داغ سوزاں کا مضموں نہ سوچو

جلے کہہ کے آتش‌ زباں کیسے کیسے

رہا عشق سے نام مجنوں کا ورنہ

تہ خاک ہیں بے نشاں کیسے کیسے

شب وصل میں مہ کو عریاں کریں گے

عیاں ہوں گے راز نہاں کیسے کیسے

کمر یار کی ناتوانی میں ڈھونڈی

توہم ہوئے درمیاں کیسے کیسے

کلیجے میں اخترؔ پھپھولے پڑے ہیں

مرے اٹھ گئے قدرداں کیسے کیسے

sahe gham piye raftagan kaise kaise

mire kho gae karwan kaise kaise

wo chitwan wo abru wo qad yad sab hai

sunaun main guzre bayan kaise kaise

mire dagh-e-sozan ka mazmun na socho

jale kah ke atish zaban kaise kaise

raha ishq se nam majnun ka warna

tah-e-khak hain be nishan kaise kaise

shab-e-wasl mein mah ko uryan karenge

ayan honge raz-e-nihan kaise kaise

kamar yar ki natawani mein dhundi

tawahhum hue darmiyan kaise kaise

kaleje mein akhtar phphule pare hain

mire uth gae qadardan kaise kaise