سینہ تو ڈھونڈ لیا متصل اپنا ہم نے

سینہ تو ڈھونڈ لیا متصل اپنا ہم نے

نہیں معلوم دیا کس کو دل اپنا ہم نے

عہد کیا کر کے ترے در سے اٹھے تھے قسمت

پھر دکھایا تجھے روئے خجل اپنا ہم نے

میری آلودگیوں سے نہ کر اکراہ اے شیخ

کچھ بنایا تو نہیں آب و گل اپنا ہم نے

سخت کافر کا دل افسوس نہ شرمایا کبھی

پوجا جوں بت تو بہت سنگ دل اپنا ہم نے

پانی پہنچا سکے جب تک مری چشم نمناک

جل بجھا پایا دل مشتعل اپنا ہم نے

بعد سو رنجش بے جا کے نہ پایا بغلط

نہ پشیمان تجھے منفعل اپنا ہم نے

در غریبی نہ تھا کچھ اور میسر حسرتؔ

عشق کی نذر کیا دین و دل اپنا ہم نے

sina to dhund liya muttasil apna ham ne

nahin maalum diya kis ko dil apna ham ne

ahd kya kar ke tire dar se uthe the qismat

phir dikhaya tujhe ru-e-khajil apna ham ne

meri aludagiyon se na kar ikrah ai shaikh

kuchh banaya to nahin ab-o-gul apna ham ne

sakht kafir ka dil afsos na sharmaya kabhi

puja jun but to bahut sang dil apna ham ne

pani pahuncha sake jab tak miri chashm-e-namnak

jal bujha paya dil-e-mushtail apna ham ne

baad so ranjish-e-be ja ke na paya baghlat

na pasheman tujhe munfail apna ham ne

dar gharibi na tha kuchh aur muyassar hasrat

ishq ki nazr kiya din-o-dil apna ham ne