سیر دنیا سے غرض تھی محو دنیا کر دیا

سیر دنیا سے غرض تھی محو دنیا کر دیا

میں نے کیا چاہا مرے اللہ نے کیا کر دیا

روکنے والا نہ تھا کوئی خدا کو اس لیے

جو کچھ آیا اس کے جی میں بے محابا کر دیا

ہاں اسی کم بخت دل نے کر دیا افشائے راز

ہاں اسی کم بخت دل نے مجھ کو رسوا کر دیا

عشق جا ان تیری باتوں میں نہیں آنے کے ہم

اچھے اچھوں کو جہاں میں تو نے رسوا کر دیا

زندگی بیٹھی تھی اپنے حسن پر بھولی ہوئی

موت نے آتے ہی سارا رنگ پھیکا کر دیا

حسن نے پہلے تو سب مجھ پر حقیقت کھول دی

اور پھر خاموش رہنے کا اشارا کر دیا

حسن کو پہنا چکے جب خود نمائی کا لباس

عشق نے سر پیٹ کر پوچھا کہ یہ کیا کر دیا

sair duniya se gharaz thi mahw-e-duniya kar diya

main ne kya chaha mire allah ne kya kar diya

rokne wala na tha koi khuda ko is liye

jo kuchh aya us ke ji mein be muhaba kar diya

han isi kam bakht dil ne kar diya ifsha-e-raz

han isi kam bakht dil ne mujh ko ruswa kar diya

ishq ja un teri baton mein nahin ane ke ham

achchhe achchhon ko jahan mein tu ne ruswa kar diya

zindagi baithi thi apne husn par bhuli hui

maut ne ate hi sara rang phika kar diya

husn ne pahle to sab mujh par haqiqat khol di

aur phir khamosh rahne ka ishara kar diya

husn ko pahna chuke jab khud numai ka libas

ishq ne sar pet kar puchha ke ye kya kar diya