سیر بہار حسن ہی انکھیوں کا کام جان

سیر بہار حسن ہی انکھیوں کا کام جان

دل کوں شراب شوق کا ساغر مدام جان

طرز نگاہ عجز یہی عرض حال ہے

اے رمز داں ہمن کے انکھیوں کا کلام جان

رسوا کریں گے تجھ کوں جگت میں نہال اشک

انجھواں کوں دشت اور صف مژگاں کو شام جان

تیری گلی میں دیدہ و دل فرش راہ ہیں

آہستہ ٹک قدم کوں رکھ اے خوش خرام جان

وحدت میں بے خودی کا عبادت ہوا ہے نام

مے خانے کوں ادب سیتی بیت الحرام جان

تیغ اجل سوں کس کا سلامت رہا ہے جیو

شوخی سیں جب نگاہ کریں قتل عام جان

اس کوں شرف ہے جس کی کریں بندگی قبول

جو آبروؔ طلب ہیں سو اپنا غلام جان

sair-e-bahar-e-husn hi ankhiyon ka kam jan

dil kun sharab-e-shauq ka saghar mudam jan

tarz-e-nigah-e-ijz yahi arz-e-hal hai

ai ramz dan haman ke ankhiyon ka kalam jan

ruswa karenge tujh kun jagat mein nihal-e-ashk

anjhawan kun dasht aur saf-e-mizhgan ko sham jan

teri gali mein dida-o-dil farsh-e-rah hain

ahista tuk qadam kun rakh ai khush khiram jan

wahdat mein be khudi ka ibadat hua hai nam

mai khane kun adab saiti bit alharam jan

tegh-e-ajal sun kis ka salamat raha hai jiyo

shokhi sin jab nigah karen qatl-e-am jan

is kun sharaf hai jis ki karen bandagi qubul

jo abru talab hain so apna ghulam jan