سو حشر میں لیے دل حسرت مآب میں

سو حشر میں لیے دل حسرت مآب میں

آباد ہو رہا ہوں جہان خراب میں

ہم اپنی بے قراری دل سے ہیں بے قرار

آمیزش سکوں ہے اس اضطراب میں

اب سیر گل کہاں، دل رنگیں نظر کہاں

اک خواب تھا جو دیکھ لیا تھا شباب میں

بڑھ بڑھ کے چھپ رہے ہیں پس پردہ بار بار

کیا کیا تکلفات ہیں ترک حجاب میں

احسنؔ دل ان کو دو مگر اتنا تو پوچھ لو

لیتے ہو تم یہ نقد رقم کس حساب میں

so hashr mein liye dil hasrat mab mein

abad ho raha hun jahan-e-kharab mein

ham apni be qarari dil se hain be qarar

amezish-e-sukun hai is iztirab mein

ab sair-e-gul kahan, dil rangin nazar kahan

ik khwab tha jo dekh liya tha shabab mein

barh barh ke chhup rahe hain pas parda bar bar

kya kya takallufat hain tark-e-hijab mein

ahsan dil un ko do magar itna to puchh lo

lete ho tum ye naqd raqam kis hisab mein