آئے ہیں میرؔ منہ کو بنائے خفا سے آج

آئے ہیں میرؔ منہ کو بنائے خفا سے آج

شاید بگڑ گئی ہے کچھ اس بے وفا سے آج

واشد ہوئی نہ دل کو فقیروں کے بھی ملے

کھلتی نہیں گرہ یہ کسو کی دعا سے آج

جینے میں اختیار نہیں ورنہ ہم نشیں

ہم چاہتے ہیں موت تو اپنی خدا سے آج

ساقی ٹک ایک موسم گل کی طرف بھی دیکھ

ٹپکا پڑے ہے رنگ چمن میں ہوا سے آج

تھا جی میں اس سے ملیے تو کیا کیا نہ کہیے میرؔ

پر کچھ کہا گیا نہ غم دل حیا سے آج

ae hain mir munh ko banae khafa se aj

shayad bigar gai hai kuchh us be wafa se aj

washud hui na dil ko faqiron ke bhi mile

khulti nahin girah ye kisu ki dua se aj

jine mein ikhtiyar nahin warna ham nashin

ham chahte hain maut to apni khuda se aj

saqi tuk ek mausam-e-gul ki taraf bhi dekh

tapka pare hai rang-e-chaman mein hawa se aj

tha ji mein us se miliye to kya kya na kahiye mir

par kuchh kaha gaya na gham-e-dil haya se aj