آؤ حسن یار کی باتیں کریں

آؤ حسن یار کی باتیں کریں

زلف کی رخسار کی باتیں کریں

زلف عنبر بار کے قصے سنائیں

طرۂ طرار کی باتیں کریں

پھول برسائیں بساط عیش پر

روز وصل یار کی باتیں کریں

نقد جاں لے کر چلیں اس بزم میں

مصر کے بازار کی باتیں کریں

ان کے کوچے میں جو گزری ہے کہیں

سایۂ دیوار کی باتیں کریں

آخری ساعت شب رخصت کی ہے

آؤ اب تو پیار کی باتیں کریں

ao husn-e-yar ki baten karen

zulf ki rukhsar ki baten karen

zulf-e-ambar bar ke qisse sunaen

turra-e-tarrar ki baten karen

phul barsaen bisat-e-aish par

roz-e-wasl-e-yar ki baten karen

naqd-e-jan le kar chalen is bazm mein

misr ke bazar ki baten karen

un ke kuche mein jo guzri hai kahin

saya-e-diwar ki baten karen

akhiri saat shab-e-rukhsat ki hai

ao ab to pyar ki baten karen