سوال کیا کروں تجھ سے گناہ گار ہوں میں

سوال کیا کروں تجھ سے گناہ گار ہوں میں

نگاہ چار ہو کیوں کر کہ شرمسار ہوں میں

روانہ رکھ کہ جہاں میں ذلیل و خوار ہوں میں

جو ہوں سو ہوں پہ ترے در کا خاکسار ہوں میں

پڑا ہوا ہوں بتوں کی گلی میں دل تھامے

صبا سنبھل کے ذرا چل نحیف و زار ہوں میں

کسی سے مطلب دل میرا حل نہیں ہوتا

سوال مسئلۂ جبر و اختیار ہوں میں

جفا و ظلم اس کے گلا کروں کیوں کر

ستم شعار ہے وہ اور وفا شعار ہوں میں

تمہیں بتاؤ کرے صبر کب تلک کوئی

نہ ہر کسی سے ہنسو تم نہ اشک بار ہوں میں

اسی کو کہتے ہیں یارب نصیب کی یاری

کہ یار وہ بھی نہ ہو اور بے دیار ہوں میں

وفا کا لطف ملے گر ہزار جانیں ہوں

نثار تجھ پہ مری جاں ہزار بار ہوں میں

زباں ہو بند زباں سے اگر سوال کروں

قلم ہوں ہاتھ اگر مدعا نگار ہوں میں

الٰہی جذب محبت میں دے اثر اتنا

کلیجہ تھام لے وہ بھی جو بے قرار ہوں میں

ہزار اپنی کہوں اس کی ایک بھی نہ سنوں

خدا وہ دن کرے اس سے کہیں دو چار ہوں میں

میں مست بادۂ حب علی ہوں اے انجمؔ

کبھی بہک نہ سکے جو وہ بادہ خوار ہوں میں

sawal kya karun tujh se gunah gar hun main

nigah char ho kyun kar ke sharmsar hun main

rawana rakh ke jahan mein zalil-o-khwar hun main

jo hun so hun pe tire dar ka khaksar hun main

para hua hun buton ki gali mein dil thame

saba sambhal ke zara chal nahif-o-zar hun main

kisi se matlab dil mera hal nahin hota

sawal masala-e-jabr-o-ikhtiyar hun main

jafa-o-zulm us ke gila karun kyun kar

sitam shiar hai wo aur wafa shiar hun main

tumhen batao kare sabr kab talak koi

na har kisi se hanso tum na ashk bar hun main

usi ko kahte hain yarab nasib ki yari

ke yar wo bhi na ho aur be dayar hun main

wafa ka lutf mile gar hazar janen hun

nisar tujh pe miri jan hazar bar hun main

zaban ho band-e-zaban se agar sawal karun

qalam hun hath agar muddaa nigar hun main

ilahi jazb-e-mohabbat mein de asar itna

kaleja tham le wo bhi jo be qarar hun main

hazar apni kahun us ki ek bhi na sunun

khuda wo din kare us se kahin do char hun main

main mast-e-bada-e-hub-e-ali hun ai anjum

kabhi bahak na sake jo wo bada khwar hun main