سوئے مے کدہ نہ جاتے تو کچھ اور بات ہوتی

سوئے مے کدہ نہ جاتے تو کچھ اور بات ہوتی

وہ نگاہ سے پلاتے تو کچھ اور بات ہوتی

گو ہوائے گلستاں نے مرے دل کی لاج رکھ لی

وہ نقاب خود اٹھاتے تو کچھ اور بات ہوتی

یہ بجا کلی نے کھل کر کیا گلستاں معطر

اگر آپ مسکراتے تو کچھ اور بات ہوتی

یہ کھلے کھلے سے گیسو انہیں لاکھ تو سنوارے

مرے ہاتھ سے سنورتے تو کچھ اور بات ہوتی

گو حرم کے راستے سے وہ پہنچ گئے خدا تک

تری رہ گزر سے جاتے تو کچھ اور بات ہوتی

su-e-mai kada na jate to kuchh aur bat hoti

wo nigah se pilate to kuchh aur bat hoti

go hawa-e-gulsitan ne mire dil ki laj rakh li

wo naqab-e-khud uthate to kuchh aur bat hoti

ye baja kali ne khul kar kiya gulsitan muattar

agar ap muskurate to kuchh aur bat hoti

ye khule khule se gesu unhen lakh to sanware

mire hath se sanwarte to kuchh aur bat hoti

go haram ke raste se wo pahunch gae khuda tak

tiri rah guzar se jate to kuchh aur bat hoti