سوال دید پہ تیوری چڑھائی جاتی ہے

سوال دید پہ تیوری چڑھائی جاتی ہے

مجال دید پہ بجلی گرائی جاتی ہے

خدا بخیر کرے ضبط شوق کا انجام

نقاب میری نظر سے اٹھائی جاتی ہے

اسی کو جلوۂ ایمان عشق کہتے ہیں

ہجوم یاس میں بھی آس پائی جاتی ہے

اب آ گئے ہو تو اور اک ذرا ٹھہر جاؤ

ابھی ابھی مری میت اٹھائی جاتی ہے

مرے قیاس کو اپنی تلاش میں کھو کر

مرے حواس کو دنیا دکھائی جاتی ہے

sawal-e-did pe tewri charhai jati hai

majal-e-did pe bijli girai jati hai

khuda bakhair kare zabt-e-shauq ka anjam

naqab meri nazar se uthai jati hai

usi ko jalwa-e-iman-e-ishq kahte hain

hujum-e-yas mein bhi as pai jati hai

ab a gae ho to aur ik zara thahar jao

abhi abhi miri mayyat uthai jati hai

mire qayas ko apni talash mein kho kar

mire hawas ko duniya dikhai jati hai