سلسلۂ جنبان وحشت میں نئی تدبیر سے

سلسلۂ جنبان وحشت میں نئی تدبیر سے

طوق منت کے بدلتے ہیں مری زنجیر سے

آپ لے جائیں انہیں یا دل کے ٹکڑے جوڑ دیں

میری خاطر جمع ہو جائے کسی تدبیر سے

نزع میں بھی کی گئیں ہم پر بہت سی سختیاں

سیکڑوں طوفاں اٹھے آب دم شمشیر سے

نزع میں ہیں پاؤں میرے کوئے جاناں کی طرف

چاہتا ہوں میں پہنچ جاؤں کسی تدبیر سے

اک نظر انصاف سے کیجے ذرا سوئے رشیدؔ

عاشقانہ کیا غزل اب ہو سکے اس پیر سے

silsila-e-jumban-e-wahshat mein nai tadbir se

tauq minnat ke badalte hain miri zanjir se

ap le jaen unhen ya dil ke tukre jor den

meri khatir jama ho jae kisi tadbir se

nazaa mein bhi ki gain ham par bahut si sakhtiyan

saikron tufan uthe ab-e-dam-e-shamshir se

nazaa mein hain paon mere ku-e-janan ki taraf

chahta hun main pahunch jaun kisi tadbir se

ik nazar insaf se kije zara su-e-rashid

ashiqana kya ghazal ab ho sake is pir se