سرسوں لگا کے پاؤں تلک دل ہوا ہوں میں

سرسوں لگا کے پاؤں تلک دل ہوا ہوں میں

یاں لگ ہنر میں عشق کے کامل ہوا ہوں میں

سینکوں نگاہ گرم سیں خوش چشم کی مجھے

شمشیر اس بھواں کے سیں گھائل ہوا ہوں میں

مانند آسماں ہے مشبک مرا جگر

کس کی نگہ سیں آج مقابل ہوا ہوں میں

بھاری ہے دیکھنا مرا تجھ کن رقیب کوں

چھاتی پے اس کی آج بجرسل ہوا ہوں میں

زلف مطول و دہن مختصر کوں دیکھ

تیرے درس کے علم میں فاضل ہوا ہوں میں

sarson laga ke paon talak dil hua hun main

yan lag hunar mein ishq ke kamil hua hun main

senkun nigah-e-garm sin khush chashm ki mujhe

shamshir is bhuwan ke sin ghayal hua hun main

manind-e-asman hai mushabbak mira jigar

kis ki nigah sin aj muqabil hua hun main

bhari hai dekhna mira tujh kin raqib kun

chhati pe us ki aj bajrusul hua hun main

zulf-e-mutawwal-o-dahan-e-mukhtasar kun dekh

tere dars ke ilm mein fazil hua hun main