سرکتی جائے ہے رخ سے نقاب آہستہ آہستہ

سرکتی جائے ہے رخ سے نقاب آہستہ آہستہ

نکلتا آ رہا ہے آفتاب آہستہ آہستہ

جواں ہونے لگے جب وہ تو ہم سے کر لیا پردہ

حیا یک لخت آئی اور شباب آہستہ آہستہ

شب فرقت کا جاگا ہوں فرشتو اب تو سونے دو

کبھی فرصت میں کر لینا حساب آہستہ آہستہ

سوال وصل پر ان کو عدو کا خوف ہے اتنا

دبے ہونٹوں سے دیتے ہیں جواب آہستہ آہستہ

وہ بے دردی سے سر کاٹیں امیرؔ اور میں کہوں ان سے

حضور آہستہ آہستہ جناب آہستہ آہستہ

sarakti jae hai rukh se naqab ahista ahista

nikalta a raha hai aftab ahista ahista

jawan hone lage jab wo to ham se kar liya parda

haya yak lakht ai aur shabab ahista ahista

shab-e-furqat ka jaga hun farshto ab to sone do

kabhi fursat mein kar lena hisab ahista ahista

sawal-e-wasl par un ko adu ka khauf hai itna

dabe honton se dete hain jawab ahista ahista

wo be dardi se sar katen amir aur main kahun un se

huzur ahista ahista janab-e-ahista ahista