سر و گردن کی جدائی دیکھو

سر و گردن کی جدائی دیکھو

تیغ قاتل کی صفائی دیکھو

تیغ لچکا کے اٹھائی دیکھو

نہ مڑک جائے کلائی دیکھو

مجھ سے کہتا ہے لہو مل کے مرا

یہ مرے دست حنائی دیکھو

محفل یار تلک پہنچایا

میری قسمت کی رسائی دیکھو

ٹوٹ جائے نہ ہماری توبہ

پھر گھٹا چرخ پہ چھائی دیکھو

میں کہاں اور کہاں رفعت عرش

مگر آہوں کی رسائی دیکھو

کیوں بگڑتے ہو کسی سے عالمؔ

اپنی قسمت کی برائی دیکھو

sar-o-gardan ki judai dekho

tegh-e-qatil ki safai dekho

tegh lachka ke uthai dekho

na marak jae kalai dekho

mujh se kahta hai lahu mil ke mira

ye mire dast-e-hinai dekho

mahfil-e-yar talak pahunchaya

meri qismat ki rasai dekho

tut jae na hamari tauba

phir ghata charkh pe chhai dekho

main kahan aur kahan rifat-e-arsh

magar ahon ki rasai dekho

kyun bigarte ho kisi se alam

apni qismat ki burai dekho