سر اپنے کو تجھ پر فدا کر چکے ہم

سر اپنے کو تجھ پر فدا کر چکے ہم

حق آشنائی ادا کر چکے ہم

تو سمجھے نہ سمجھے ہمیں ساتھ تیرے

جو کرنی تھی اے بے وفا کر چکے ہم

خدا سے نہیں کام اب ہم کو یارو

کہ اک بت کو اپنا خدا کر چکے ہم

میں پوچھا مرا کام کس دن کروگے

تو یوں منہ پھرا کر کہا کر چکے ہم

گھرس لے تو اب ان کو چیرے میں اپنے

تماشائے زلف دوتا کر چکے ہم

تو جاوے نہ جاوے جو کرنی تھی ہم کو

سماجت تری اے صبا کر چکے ہم

نہ بولیں گے پیارے تری ہی سنیں گے

تو دشنام دے اب دعا کر چکے ہم

کبھو کام اپنا کسی سے نہ نکلا

بہت خلق کی التجا کر چکے ہم

لڑی مصحفیؔ آنکھ جس سے کہ اپنی

پر آخر اسے آشنا کر چکے ہم

sar apne ko tujh par fida kar chuke ham

haq-e-ashnai ada kar chuke ham

tu samjhe na samjhe hamen sath tere

jo karni thi ai be wafa kar chuke ham

khuda se nahin kam ab ham ko yaro

ke ik but ko apna khuda kar chuke ham

main puchha mira kam kis din karoge

to yun munh phira kar kaha kar chuke ham

ghras le to ab un ko chire main apne

tamasha-e-zulf-e-duta kar chuke ham

tu jawe na jawe jo karni thi ham ko

samajat tiri ai saba kar chuke ham

na bolenge pyare tiri hi sunenge

tu dushnam de ab dua kar chuke ham

kabhu kam apna kisi se na nikla

bahut khalq ki iltija kar chuke ham

lari mushafi ankh jis se ke apni

par akhir use ashna kar chuke ham