سخن مشتاق ہے عالم ہمارا

سخن مشتاق ہے عالم ہمارا

بہت عالم کرے گا غم ہمارا

پڑھیں گے شعر رو رو لوگ بیٹھے

رہے گا دیر تک ماتم ہمارا

نہیں ہے مرجع آدم اگر خاک

کدھر جاتا ہے قد خم ہمارا

زمین و آسماں زیر و زبر ہے

نہیں کم حشر سے اودھم ہمارا

کسو کے بال درہم دیکھتے میرؔ

ہوا ہے کام دل برہم ہمارا

sukhan mushtaq hai alam hamara

bahut alam karega gham hamara

parhenge sher ro ro log baithe

rahega der tak matam hamara

nahin hai marja-e-adam agar khak

kidhar jata hai qad-e-kham hamara

zamin-o-asman zer-o-zabar hai

nahin kam hashr se odham hamara

kisu ke bal dirham dekhte mir

hua hai kam-e-dil barham hamara