سخیؔ سے چھوٹ کر جائیں گے گھر آپ

سخیؔ سے چھوٹ کر جائیں گے گھر آپ

اجی کچھ خیر بھی ہے ہیں کدھر آپ

وہ عاشق ہیں کہ مرنے پر ہمارے

کریں گے یاد ہم کو عمر بھر آپ

پری سمجھیں پری، حوریں کہیں حور

ہوئے کس نور کے پیدا بشر آپ

نہ عاشق ہیں زمانہ میں نہ معشوق

ادھر ہم رہ گئے ہیں اور ادھر آپ

دکھائیں گے ہم اپنی لاغری بھی

ابھی تو دیکھیے اپنی کمر آپ

مرے نالے اگر سننے کا ہے شوق

تو صاحب ہاتھ رکھیے کان پر آپ

رسائی اس کے زلفوں تک نہ ہوگی

سخیؔ بے فائدہ ماریں نہ سر آپ

sakhi se chhut kar jaenge ghar ap

aji kuchh khair bhi hai hain kidhar ap

wo ashiq hain ke marne par hamare

karenge yad ham ko umr bhar ap

pari samjhen pari, huren kahin hur

hue kis nur ke paida bashar ap

na ashiq hain zamana mein na maashuq

idhar ham rah gae hain aur idhar ap

dikhaenge ham apni laghari bhi

abhi to dekhiye apni kamar ap

mire nale agar sunne ka hai shauq

tu sahab hath rakhiye kan par ap

rasai us ke zulfon tak na hogi

sakhi be faida maren na sar ap