سر شمع ساں کٹائیے پر دم نہ ماریے

سر شمع ساں کٹائیے پر دم نہ ماریے

منزل ہزار سخت ہو ہمت نہ ہاریے

مقسوم کا جو ہے سو وہ پہنچے گا آپ سے

پھیلائیے نہ ہاتھ نہ دامن پساریے

طالب کو اپنے رکھتی ہے دنیا ذلیل و خوار

زر کی طمع سے چھانتے ہیں خاک نیاریے

تنہائی ہے غریبی ہے صحرا ہے خار ہے

کون آشنائے حال ہے کس کو پکاریے

تم فاتحہ بھی پڑھ چکے ہم دفن بھی ہوئے

بس خاک میں ملا چکے چلئے سدھاریے

sar-e-shama san kataye par dam na mariye

manzil hazar sakht ho himmat na hariye

maqsum ka jo hai so wo pahunchega ap se

phailaiye na hath na daman pisariye

talib ko apne rakhti hai duniya zalil-o-khwar

zar ki tamaa se chhante hain khak nayariye

tanhai hai gharibi hai sahra hai khar hai

kaun ashna-e-hal hai kis ko pukariye

tum fatiha bhi parh chuke ham dafn bhi hue

bas khak mein mila chuke chaliye sidhariye