آنکھوں کو سوجھتا ہی نہیں کچھ سوائے دوست

آنکھوں کو سوجھتا ہی نہیں کچھ سوائے دوست

کانوں میں آ رہی ہے برابر صدائے دوست

کیسی وفا ستم سے بھی اس نے اٹھائے ہاتھ

رہ رہ کے یاد اب آتی ہے طرز جفائے دوست

سینے میں داغ ہائے محبت کی ہے بہار

پھولا ہے خوب یہ چمن دل کشائے دوست

دل میں مرے جگر میں مرے آنکھ میں مری

ہر جا ہے دوست اور نہیں ملتی ہے جائے دوست

مدت سے پاؤں توڑے ہوئے بیٹھے تھے شرفؔ

آخر اڑا کے لے ہی چلی اب ہوائے دوست

ankhon ko sujhta hi nahin kuchh siwae dost

kanon mein a rahi hai barabar sada-e-dost

kaisi wafa sitam se bhi us ne uthae hath

rah rah ke yad ab ati hai tarz-e-jafa-e-dost

sine mein dagh ha-e-mohabbat ki hai bahar

phula hai khub ye chaman-e-dil kusha-e-dost

dil mein mire jigar mein mire ankh mein miri

har ja hai dost aur nahin milti hai jae dost

muddat se paon tore hue baithe the sharaf

akhir ura ke le hi chali ab hawa-e-dost