آئینہ خود نمائی ان کو سکھا رہا ہے

آئینہ خود نمائی ان کو سکھا رہا ہے

کیا قہر کر رہا ہے کیا ظلم ڈھا رہا ہے

آنسو بہا رہا ہے وہ سوز دل پہ میرے

خود ہی لگا کے ظالم خود ہی بجھا رہا ہے

ان کو تو ہم نے چاہا وہ یوں ستا رہے ہیں

اے چرخ کینہ پرور تو کیوں ستا رہا ہے

آزردہ غیر سے ہیں لیتا ہوں میں بلائیں

روٹھے ہیں وہ کسی سے کوئی منا رہا ہے

کوچے میں ان بتوں نے رہنے دیا نہ شاید

سنتے ہیں اب رساؔ بھی کعبے کو جا رہا ہے

aina khud numai un ko sikha raha hai

kya qahr kar raha hai kya zulm dha raha hai

ansu baha raha hai wo soz-e-dil pe mere

khud hi laga ke zalim khud hi bujha raha hai

un ko to ham ne chaha wo yun sata rahe hain

ai charkh-e-kina parwar to kyun sata raha hai

azurda ghair se hain leta hun main balaen

ruthe hain wo kisi se koi mana raha hai

kuche mein un buton ne rahne diya na shayad

sunte hain ab rasa bhi kaabe ko ja raha hai