ستم فراق کے صدموں نے اے نگار کیا

ستم فراق کے صدموں نے اے نگار کیا

جگر کو خون کیا دل کو داغدار کیا

یہ شعبدے ہیں ترے انقلاب دہر نہیں

ارے فقیر اسے تو نے شہریار کیا

کبھی بہشت کے قابل نہ تھے مرے اعمال

کریم تیرے کرم نے امیدوار کیا

ہزار حیف کہ مرقد پہ بھی ہوا اندھیر

ہوا نے کشتہ چراغ سر مزار کیا

ستم شعار ستم کا خراب ہے انجام

برا کیا ستم اے چرخ اختیار کیا

عدم میں قافلے والے پہنچ گئے روشنؔ

یہ گھر اجاڑ کے آباد وہ دیار کیا

sitam firaq ke sadmon ne ai nigar kiya

jigar ko khun kya dil ko daghdar kya

ye shobade hain tire inqilab-e-dahr nahin

are faqir use tu ne shahryar kiya

kabhi bahisht ke qabil na the mire aamal

karim tere karam ne umidwar kiya

hazar haif ke marqad pe bhi hua andher

hawa ne kushta charagh-e-sar-e-mazar kiya

sitam shiar sitam ka kharab hai anjam

bura kiya sitam ai charkh ikhtiyar kiya

adam mein qafile wale pahunch gae raushan

ye ghar ujar ke abad wo dayar kiya