ستا کر ستم کش کو کیا پائیے گا

ستا کر ستم کش کو کیا پائیے گا

جو کی کچھ شکایت تو جھنجھلائیے گا

وہ برق تجلی کی جو جلوہ گاہ

وہیں حضرت دل نہ رہ جائیے گا

ادب کی جگہ مرنے والو ہے قبر

سمجھ کر یہاں پاؤں پھیلائیے گا

غریب اب تو قدموں میں ہی آ پڑا

دل ناتواں کو نہ ٹھکرائیے گا

خبر بھی ہے کچھ بار عصیاں کی شوقؔ

ہوئی واں جو پرسش تو شرمایئے گا

sata kar sitam kash ko kya paiyega

jo ki kuchh shikayat to jhanjhlaiyega

wo barq-e-tajalli ki jo jalwa gah

wahin hazrat-e-dil na rah jaiyega

adab ki jagah marne walo hai qabr

samajh kar yahan paon phailaiyega

gharib ab to qadmon mein hi a para

dil-e-natawan ko na thukraiyega

khabar bhi hai kuchh bar isyan ki shauq

hui wan jo pursish to sharmaiyega