ستم سے گو یہ ترے کشتۂ وفا نہ رہا

ستم سے گو یہ ترے کشتۂ وفا نہ رہا

رہے جہان میں تو دیر میں رہا نہ رہا

کب اس کا نام لیے غش نہ آ گیا مجھ کو

دل ستم زدہ کس وقت اس میں جا نہ رہا

ملانا آنکھ کا ہر دم فریب تھا دیکھا

پھر ایک دم میں وہ بے دید آشنا نہ رہا

موئے تو ہم پہ دل پر کو خوب خالی کر

ہزار شکر کسو سے ہمیں گلہ نہ رہا

ادھر کھلی مری چھاتی ادھر نمک چھڑکا

جراحت اس کو دکھانے کا اب مزہ نہ رہا

ہوا ہوں تنگ بہت کوئی دن میں سن لیجو

کہ جی سے ہاتھ اٹھا کر وہ اٹھ گیا نہ رہا

ستم کا اس کے بہت میں نزار ہوں ممنون

جگر تمام ہوا خون و دل بجا نہ رہا

اگرچہ رہ گئے تھے استخوان و پوست ولے

لگائی ایسی کہ تسمہ بھی پھر لگا نہ رہا

حمیت اس کے تئیں کہتے ہیں جو میرؔ میں تھی

گیا جہاں سے پہ تیری گلی میں آ نہ رہا

sitam se go ye tire kushta-e-wafa na raha

rahe jahan mein to der mein raha na raha

kab us ka nam liye ghash na a gaya mujh ko

dil-e-sitam zada kis waqt is mein ja na raha

milana ankh ka har dam fareb tha dekha

phir ek dam mein wo be did ashna na raha

maue to ham pe dil par ko khub khali kar

hazar shukr kisu se hamen gila na raha

idhar khuli miri chhati idhar namak chhirka

jarahat us ko dikhane ka ab maza na raha

hua hun tang bahut koi din mein sun lijo

ke ji se hath utha kar wo uth gaya na raha

sitam ka us ke bahut mein nizar hun mamnun

jigar tamam hua khun-o-dil baja na raha

agarche rah gae the ustukhawan-o-post wale

lagai aisi ke tasma bhi phir laga na raha

hamiyyat us ke tain kahte hain jo mir mein thi

gaya jahan se pe teri gali mein a na raha