سبب کیا پوچھتے ہو عشق کی آشفتہ حالی کا

سبب کیا پوچھتے ہو عشق کی آشفتہ حالی کا

دوانہ ہے کسو دلبر کی وضع لاوبالی کا

بھرا ہے شہد کانوں میں سماعت کی حلاوت سے

کہوں کیا ذائقہ شیریں دہن کی خوش مقالی کا

تری آنکھوں کے آگے رو کے آہ سرد بھرتا ہوں

کہ نت ہے ذوق مستوں کو ہوائے برشگالی کا

دل بے تاب جیوں سیماب حسرت سے تڑپتا ہے

ادا سے جب لہکتا ہیگا موتی اس کی بالی کا

کیا ہوں عشق میں تعریف اس مہ رو کے ابرو کی

ہر اک مصرع ہے میرا رشک دیوان ہلالی کا

sabab kya puchhte ho ishq ki ashufta hali ka

diwana hai kisu dilbar ki waza lawabali ka

bhara hai shahd kanon mein samaat ki halawat se

kahun kya zaiqa shirin dahan ki khush maqali ka

tiri ankhon ke age ro ke ah-e-sard bharta hun

ke nit hai zauq-e-maston ko hawa-e-barshgali ka

dil-e-be tab jyun simab hasrat se tarapta hai

ada se jab lahakta higa moti us ki bali ka

kiya hun ishq mein taarif us mah ru ke abru ki

har ik misra hai mera rashk-e-diwan-e-hilali ka