زندگی بھر دہر کی نیرنگیاں دیکھا کئے

زندگی بھر دہر کی نیرنگیاں دیکھا کئے

گردش ایام و دور آسماں دیکھا کئے

ہم اسیران قفس کی ہائے رے مجبوریاں

سامنے آنکھوں کے جلتا آشیاں دیکھا کئے

آشیاں باندھا کئے ہر فصل گل میں ہم صفیر

اور ہم اپنے قفس کی تیلیاں دیکھا کئے

آشیاں باندھا مگر آسودگی کا ذکر کیا

کس طرح گرتی ہیں اس پر بجلیاں دیکھا کئے

جان بھی آخر مرض کے ساتھ رخصت ہو گئی

ہم تری رہ اے مسیحائے زماں دیکھا کئے

zindagi bhar dahr ki nairangiyan dekha kiye

gardish-e-ayyam-o-daur-e-asman dekha kiye

ham asiran-e-qafas ki hae re majburiyan

samne ankhon ke jalta ashiyan dekha kiye

ashiyan bandha kiye har fasl-e-gul mein ham safir

aur ham apne qafas ki teliyan dekha kiye

ashiyan bandha magar asudgi ka zikr kya

kis tarah girti hain us par bijliyan dekha kiye

jan bhi akhir maraz ke sath rukhsat ho gai

ham tiri rah ai masiha-e-zaman dekha kiye