زندگی کیا ہے جو دل ہو تشنۂ ذوق وفا

زندگی کیا ہے جو دل ہو تشنۂ ذوق وفا

یعنی یہ پردہ تو اٹھ سکتا ہے آسانی کے ساتھ

گفتگوئے صورت و معنی ہے عنوان حیات

کھیلتے ہیں وہ مری فطرت کی حیرانی کے ساتھ

تم نے ہر ذرے میں برپا کر دیا طوفان شوق

اک تبسم اس قدر جلووں کی طغیانی کے ساتھ

دل کی آبادی ہے اخترؔ دل کی بربادی کا نام

اک تعلق ہے مری ہستی کو ویرانی کے ساتھ

zindagi kya hai jo dil ho tishna-e-zauq-e-wafa

yaani ye parda to uth sakta hai asani ke sath

guftugu-e-surat-o-maani hai unwan-e-hayat

khelte hain wo miri fitrat ki hairani ke sath

tum ne har zarre mein barpa kar diya tufan-e-shauq

ik tabassum is qadar jalwon ki tughyani ke sath

dil ki abadi hai akhtar dil ki barbadi ka nam

ik taalluq hai miri hasti ko wirani ke sath