زہراب حسن

حسن اک کیف جاودانی ہے

اور جو چیز ہے وہ فانی ہے

حسن کے دن بھی کیف پرور ہیں

حسن کی رات بھی سہانی ہے

حسن کی صبح اک شکست جمیل

حسن کی شام کامرانی ہے

یہ کچھ افسانۂ تخیل ہے

کچھ حقیقت کی ترجمانی ہے

کچھ ترے حسن کا کرشمہ ہے

کچھ مری طبع کی روانی ہے

husn ik kaif-e-jawidani hai

aur jo chiz hai wo fani hai

husn ke din bhi kaif parwar hain

husn ki rat bhi suhani hai

husn ki subh ik shikast-e-jamil

husn ki sham kamrani hai

ye kuchh afsana-e-takhayyul hai

kuchh haqiqat ki tarjumani hai

kuchh tire husn ka karishma hai

kuchh miri taba ki rawani hai