زمزمہ نالۂ بلبل ٹھہرے

زمزمہ نالۂ بلبل ٹھہرے

میں جو فریاد کروں غل ٹھہرے

نغمۂ کن کے کرشمے دیکھو

کہیں قم قم کہیں قلقل ٹھہرے

جال میں کاتب اعمال پھنسیں

دوش پر آ کے جو کاکل ٹھہرے

رات دن رہتی ہے گردش ان کو

چاند سورج قدح مل ٹھہرے

میرا کہنا ترا سننا معلوم

جنبش لب ہی اگر گل ٹھہرے

جان کر بھی وہ نہ جانیں مجھ کو

عارفانہ ہی تجاہل ٹھہرے

عاشقی میں یہ تنزل کیسا

آپ ہم کیوں گل و بلبل ٹھہرے

تجھ پہ کھل جائے جو راز ہمہ اوست

فلسفی دور و تسلسل ٹھہرے

آنکھ سے آنکھ میں پیغام آئے

گر نگاہوں کا توسل ٹھہرے

کھل گئی بے ہمگی با ہمگی

کل میں جب محو ہوئے کل ٹھہرے

دل سے دل بات کرے آنکھ سے آنکھ

عاشقی کا جو توسل ٹھہرے

کیوں نہ فردوس میں جائے مائلؔ

جب محمد کا توسل ٹھہرے

zamzama nala-e-bulbul thahre

main jo fariyad karun ghul thahre

naghma-e-kin ke karishme dekho

kahin qum qum kahin qulqul thahre

jal mein katib-e-aamal phansen

dosh par a ke jo kakul thahre

rat din rahti hai gardish un ko

chand suraj qadah mil thahre

mera kahna tira sunna maalum

jumbish-e-lab hi agar gul thahre

jan kar bhi wo na janen mujh ko

arifana hi tajahul thahre

ashiqi mein ye tanazzul kaisa

ap ham kyun gul-o-bulbul thahre

tujh pe khul jae jo raz hama osat

falsafi dur-o-tasalsul thahre

ankh se ankh mein paigham ae

gar nigahon ka tosil thahre

khul gai be hamagi ba hamagi

kal main jab mahw hue kal thahre

dil se dil bat kare ankh se ankh

ashiqi ka jo tosil thahre

kyun na firdaus mein jae mail

jab mohammad ka tosil thahre