زیست کا حاصل بنایا دل جو گویا کچھ نہ تھا

زیست کا حاصل بنایا دل جو گویا کچھ نہ تھا

غم نے دل کو دل بنایا ورنہ کیا تھا کچھ نہ تھا

وہ تو میرے سامنے تھے دیکھنے کی دیر تھی

میں نے آنکھیں بند کر لیں ورنہ پردا کچھ نہ تھا

یا الم کوشی رہی یا خود فراموشی رہی

دل کسی دن دل نہ تھا یا درد تھا یا کچھ نہ تھا

کچھ سمجھ کر خود ہی ہم نے جان دے دی دل کے ساتھ

ان کی نظروں کا ابھی ایسا تقاضا کچھ نہ تھا

آپ کا دیوانہ تھا یہ ادعا باطل سہی

فانیؔ دیوانہ دیوانہ بھی تھا یا کچھ نہ تھا

zist ka hasil banaya dil jo goya kuchh na tha

gham ne dil ko dil banaya warna kya tha kuchh na tha

wo to mere samne the dekhne ki der thi

main ne ankhen band kar len warna parda kuchh na tha

ya alam koshi rahi ya khud faramoshi rahi

dil kisi din dil na tha ya dard tha ya kuchh na tha

kuchh samajh kar khud hi ham ne jan de di dil ke sath

un ki nazron ka abhi aisa taqaza kuchh na tha

ap ka diwana tha ye iddia batil sahi

fani diwana diwana bhi tha ya kuchh na tha