زندان کائنات میں محصور کر دیا

زندان کائنات میں محصور کر دیا

محفل سے اپنی تم نے بہت دور کر دیا

آتے ہو دینے دعوت دار و رسن ہمیں

جب ہم نے ترک شیوۂ منصور کر دیا

فطرت یہی ازل سے ہے برق جمال کی

اس نے جسے تباہ کیا طور کر دیا

تم نے ہمارے ظرف نظر پر نہ کی نگاہ

سارے جہاں کو حسن سے معمور کر دیا

سیمابؔ کوئی مرتبہ منصور کا نہ تھا

لفظ خودی کی شرح نہ مشہور کر دیا

zindan-e-kainat mein mahsur kar diya

mahfil se apni tum ne bahut dur kar diya

ate ho dene daawat-e-dar-o-rasan hamen

jab ham ne tark-e-shewa-e-mansur kar diya

fitrat yahi azal se hai barq-e-jamal ki

us ne jise tabah kiya tur kar diya

tum ne hamare zarf-e-nazar par na ki nigah

sare jahan ko husn se maamur kar diya

simab koi martaba mansur ka na tha

lafz-e-khudi ki sharh na mashhur kar diya