آپ دل جا کر جو زخمی ہو تو مژگاں کیا کرے

آپ دل جا کر جو زخمی ہو تو مژگاں کیا کرے

کوئی رکھ دے پاؤں خود خار مغیلاں کیا کرے

رات دن ہے صنعت حق کس طرح بدلیں صنم

روئے زیبا کیا کرے زلف پریشاں کیا کرے

روح گھبرا کے چلی دیکھا جو ہم کو مضطرب

میزباں ہو جب پریشاں رہ کے مہماں کیا کرے

دم نہیں تن سے نکلتا کٹ چکا بالکل گلا

سخت جانی کو ہماری تیغ جاناں کیا کرے

تیرہ بختی سے ہے شکوہ مفلسی سے ہے گلہ

روشنی ممکن نہیں شام غریباں کیا کرے

زخم دل گہرا بہت ہے کس طرح ٹانکا لگے

یاں رفو کی جا نہیں تار گریباں کیا کرے

اپنی وحشت سے ہے شکوہ دوسرے سے کیا گلہ

ہم سے جب بیٹھا نہ جائے کوئے جاناں کیا کرے

ap dil ja kar jo zakhmi ho to mizhgan kya kare

koi rakh de paon khud khar-e-mughilan kya kare

rat din hai sanat-e-haq kis tarah badlen sanam

ru-e-zeba kya kare zulf-e-pareshan kya kare

ruh ghabra ke chali dekha jo ham ko muztarib

mezban ho jab pareshan rah ke mehman kya kare

dam nahin tan se nikalta kat chuka bilkul gila

sakht jani ko hamari tegh janan kya kare

tira bakhti se hai shikwa muflisi se hai gila

raushni mumkin nahin sham-e-ghariban kya kare

zakhm-e-dil gahra bahut hai kis tarah tanka lage

yan rafu ki ja nahin tar-e-gareban kya kare

apni wahshat se hai shikwa dusre se kya gila

ham se jab baitha na jae ku-e-janan kya kare