ساغر اٹھا کے زہد کو رد ہم نے کر دیا

ساغر اٹھا کے زہد کو رد ہم نے کر دیا

پھر زندگی کے جزر کو مد ہم نے کر دیا

وقت اپنا زر خرید تھا ہنگام مے کشی

لمحے کو طول دے کے ابد ہم نے کر دیا

دل پند واعظاں سے ہوا ہے اثر پذیر

اس کو خراب صحبت بد ہم نے کر دیا

تسبیح سے سبو کو بدل کر خدا کو آج

بالاتر از شمار و عدد ہم نے کر دیا

بادہ تھا یا عروس فراست تھی جام میں

جو کہہ دیا بہک کے سند ہم نے کر دیا

مصرعوں میں گیسوؤں کی فصاحت کا بھر کے رنگ

اپنی ہر اک غزل کو سند ہم نے کر دیا

تشبیہ دے کے قامت جاناں کو سرو سے

اونچا ہر ایک سرو کا قد ہم نے کر دیا

saghar utha ke zohd ko rad ham ne kar diya

phir zindagi ke jazr ko mad ham ne kar diya

waqt apna zar kharid tha hangam-e-mai kashi

lamhe ko tul de ke abad ham ne kar diya

dil pand waizan se hua hai asar pazir

us ko kharab sohbat-e-bad ham ne kar diya

tasbih se subu ko badal kar khuda ko aj

balatar az shumar-o-adad ham ne kar diya

bada tha ya urus-e-firasat thi jam mein

jo kah diya bahak ke sanad ham ne kar diya

misron mein gesuon ki fasahat ka bhar ke rang

apni har ik ghazal ko sanad ham ne kar diya

tashbih de ke qamat janan ko sarw se

uncha har ek sarw ka qad ham ne kar diya