ساتھی

میں اس کو پانا بھی چاہوں

تو یہ میرے لیے نا ممکن ہے

وہ آگے آگے تیز خرام

میں اس کے پیچھے پیچھے

افتاں خیزاں

آوازیں دیتا

شور مچاتا

کب سے رواں ہوں

برگ خزاں ہوں

جب میں اکتا کر رک جاؤں گا

وہ بھی پل بھر کو ٹھہر کر

مجھ سے آنکھیں چار کرے گا

پھر اپنی چاہت کا اقرار کرے گا

پھر میں

منہ توڑ کے

تیزی سے گھر کی جانب لوٹوں گا

اپنے نقش قدم روندوں گا

اب وہ دل تھام کے

میرے پیچھے لپکتا آئے گا

ندی نالے

پتھر پربت پھاند آ جائے گا

میں آگے آگے

وہ پیچھے پیچھے

دونوں کی رفتار ہے اک جیسی

پھر یہ کیسے ہو سکتا ہے

وہ مجھ کو یا میں اس کو پا لوں

main us ko pana bhi chahun

to ye mere liye na mumkin hai

wo age age tez khiram

main us ke pichhe pichhe

iftan khezan

awazen deta

shor machata

kab se rawan hun

barg-e-khizan hun

jab main ukta kar ruk jaunga

wo bhi pal bhar ko thahar kar

mujh se ankhen char karega

phir apni chahat ka iqrar karega

phir main

munh tor ke

tezi se ghar ki janib lautunga

apne naqsh-e-qadam raundon ga

ab wo dil tham ke

mere pichhe lapakta aega

nadi nale

patthar parbat phand a jaega

main age age

wo pichhe pichhe

donon ki raftar hai ik jaisi

phir ye kaise ho sakta hai

wo mujh ko ya main us ko pa lun